नुकताच भूषण कोरगांवकर या आपल्या मित्राचं "संगीत बारी " हे अफलातून पुस्तकं वाचून झालंय आणि तसही वर्षभर पुस्तकं सोबत घेऊन फिरणाऱ्या
आपल्या बहुतीकांना "वाचन प्रेरणा दिन " वैगरेच तस निमित्त लागत नाहीच म्हणा . पण आज ज्यांच्या जयंती निमित्त हा दिवस साजरा केला जाणार आहे. ते जेष्ठ Scientist, खऱ्या अर्थाने भारतरत्न आणि भारताचे माझी राष्ट्रपती डॉ ए . पी . जे अब्दुल कलाम यांची आज जयंती आहे . त्याचं "अग्नीपंख" हे पुस्तकं तर प्रचंड आवडलेल्या पुस्तकां पैकी एक . खरतर त्यांनी इतक्या लवकर exit घ्यायला नको होती .त्यांचा व्यासंग , संशोधन, कामाप्रती असणारी असीम श्रद्धा , आणि सर्वात महत्वाचं म्हणजे साधेपणा आपल्या सगळ्यांचा स्वयंप्रेरणा देणारं आहे .
अर्थात हा दिवस साजरा व्हायला हवाच ............याबाबत मतभेद नाहीच. याच निमित्त म्हणून चार- पाच महिन्यांन पूर्वी कामतने (Ajit Abhimeshi ) त्याच्या शेल्फ मधून दिलेलं सुप्रिया वकील यांनी अनुवादित केललं प्रोतिमा बेदी यांच "टाईमपास" हे पुस्तकं वाचायला घेतलंय . प्रोतिमा बेदी यांनी त्याकाळात ज्या धाडसान बिंदासपणे जे आयुष्य जगलं हि त्याची कहाणी आहे . इतक्या बोल्ड स्वरुपात एका बाईन तिचं खासगी आयुष्य लोकांसमोर मांडणं हि डेरिंग आहे . बरं यात नुसती रंजकता नाही तर जगतांना आलेल्या अनेक बऱ्या वाईट अनुभवात स्वतःला न्यूट्रल ठेवीत येईल ते कसं स्वीकारावं त्यातून कसा मार्ग काढावा असा सगळा परिपाक यात असल्याचं जवळजवळ अर्ध पुस्तक वाचून झाल्यावर कळतंय
सुप्रिया वकील यांची अनुवादित पुस्तकं तशी भन्नाट असतात. कारण त्या नुसतं भाषांतर करीत नाहीत तर त्या वाचकांशी उत्तम संभाषण करतात. आणि म्हणून हे मूळ लेखक स्वतः त्याच्या तोंडून हे सगळं आपल्याला सांगतोय असा आभास होतो. आपल्यापैकी कुणी जर "टाईमपास" हे पुस्तकं अजून वाचलं नसेल तर नक्की वाचा . डिप्रेशन वैगरे चा कुणाला त्रास असेल तर त्यांनी जरूर हे पुस्तकं डोळ्या खालून घालायला हरकत नाही . "वाचन प्रेरणा दिन " सेलीब्रेट करण्याकरिता जे पुस्तकं हातात आलय त्याचा योगायोग म्हणजे डॉ ए . पी . जे अब्दुल कलाम यांची काही पुस्तकं सुप्रिया वकील मॅमनी भाषांतरित केली आहेत हे विशेष.
पुस्तकांच विश्व मंतरलेल आहे . तुम्ही जितक्या आत जाल तितक अजून पुढे जाण्याच तुमचं कुतूहल वाढत राहील . शिवाय वाचाल तर टिकाल हेही लक्षात असायला हवंय . बाकी ज्यांनी सतत माझी हि वाचनाची आवड त्यांच्या कडील उत्तोमोत्त पुस्तकं देऊन जोपासली त्यात दापोलीत असतांना त्याच्या संग्रहातून दर आठवड्याला एक नव पुस्तक देणारा माधव काका ( जेष्ठ लेखक माधव गवाणकर ) मग मुंबईत आलो आणि पत्रकारिता करीत असतांना त्याच्याकडची पुस्तकं देणारा सुनील नांदगांवकर( Sr. Journalist), पुढे पुकार या संथेसाठी रिसर्च करतांना मेंबरशीप घेतलेलं दादर सार्वजनिक वाचनालय , आग्रहानं हे वाच सांगणारी वंदना खरे ( लेखिका , नाटककार , समीक्षिका आणि जेष्ठ सामाजिक कार्यकर्त्या ) , आवडलेलं पुस्तकं आणि त्यासोबत माझ्या फेवरेट खाऊची पुडी शेअर करणाऱ्या मीनाक्षी शिंदे ( लेखिका ) , परममित्र अजय सिंग (एक उत्तम शिक्षक , मराठीचा गाढा अभ्यासक आणि हौशी वाचक ) , युवासाठी अजित कामत ( सामाजिक कार्यकर्ता ) यांचे विशेष आभार तुमची माझ्याकडे असलेली पुस्तके सहीसलामत आहेत त्यामुळे त्याची काळजी नसावी . आणि हो तुम्ही देखील जे पुस्तकं वाचताय त्याबद्दल आम्हाला सांगायला हरकत नाही . आजचा दिवस अशा शेअरिंगने अधिक सत्कारणी लागेल .
या ग्रंथ दिंडीत तुम्हीही सहभागी व्हाच .
जाता जाता डॉ ए . पी . जे अब्दुल कलाम यांचा हा आजच्या दिनविशेषला लागू होणारा सुविचार.
- "One Best Book Is Equal To Hundred Good Friends " . . . "But One Good Friend Is Equal To A Library ".
