किल्ला

लहानपणी अंजनवेलच्या किल्ल्यावर आणि लाइट हाउस म्हणजेच बत्तीवर दिवस दिवस आमची उनाडी असायची आजी सोबत मछी सुकवायला कातळावर जाताना आणि दोन हातने मच्ची उपसत वाळत घालताना जाम मज्जा यायची. या कामाच्या बदल्यात आजी एक रूपया हातावर ठेवायची आणि मग बादलितल्या पाण्यात रूपाया हातात घेवुनच नुसते हात बुचकळुन पुन्हा किल्ल्याच्या दिशेनं धूम ठोकायची ....... नित्या ,कुंदा ,समीर ,बोबड्या ,शोभा असा आमचा ग्रुप रोज नविन कारनामे करी त्यात कधी ओहळात पोहायला जा तर कधी पुळणीत शिवल्या टिपायला मोठी गोणी घेवून नित्याच्या माग धावत सुटा ......तसा मामा आमच्या पाळतीवर असायचा .बरेच दा मामाने चोपुन काढलय न सांगता समुद्रावर गेलो म्हणून पण मग स्व:ताच घेवून जायचा त्याच्या मित्रांच्या बोटिवरुन समुद्रात .........मग जवळपास पागवुन ( मछी पकड़न) मिळेल तो मासा घेवून समुद्राच्या मध्यातुन परत फ़िरायच .......धकधक आवाज करणारी ती डिजेलची होड़ी लाटांवर डचमळत धक्याला लागायच्या आत इकडे वाटण्या व्हायच्या तो बोटीवाला भंडारी मामा माझ्याकड बघत चार मासे जास्ती वाट्यात लावायचा म्हणायचा मामाकड़ आयलास ना खा मग पोटभरुंन म्हावरा ........ इतकी ताज़ी मछी कधी ताटात पडेल या कल्पनेने नुसती लाळ जमायाची तोंडात .

.......नुसत्या पाट्यावर खरगटलेल्या चार मिरच्या ,दोन लसनी आणि बोटभर ओल्या खोबऱ्याच्या तुकड्याच्या वाटनात केलेल्या कालवणासोबत टोपभर भाताचा फडश्या पडायचा. घासावर घास मारीत पुन्हा नुस्तं हातावर पाणी घेत पुन्हा बत्तिवर उन्नाडी सुरु . आजच्या किल्ल्याच्या निमित्ताने पुन्हा मामाच्या गावात नेवुन सोडल तो समुद्राशी समांतर रस्ता ,मामाच माड़ीवजा घर ......नारळी फोफळीची बाग़ ....खाखी पैंट सफ़ेद शर्ट घालून जायची ती मराठी शाळा ........पेपर डोक्यावरून जाताना जयदीप कुलकर्णी किंवा शैलेश जोशी ने दाखवलेली किमान पासिंग पुरताची उत्त्तरं ......सुमार प्रगतीमुळे कायम गुरुजींच्या हिट लिस्ट वर असणारे आम्ही अगदी बऱ्याच अंगी हा चित्रपट बालपणाच्या तटबंदीत अलगत उतरवणारा ठरला .आणि म्हणून तो जास्ती अपील झाला.

किल्ला एकाअर्थाने तुमच्या आमच्या जगण्यात होऊन गेलेल्या घटनांच्या चिरेबंदी आठवणींचे बुरुज आहेत. जिथे कुठल्या कोपऱ्यात काय दडलय हे अनेकदा आपल्यालाही माहित नसत.

नोट -1. ओहरऑल गुड़ मुव्ही एकदातरी पाहवा असाच
       2.जबरदस्त फ्रेमींग इंटरनॅशनल दर्ज्याच संगीत उत्कृष्ट सवांद आणि त्याच परफेक्ट            टाईमिंग

© संतोष टाकळे .